موبائل زرعی سروس ’خوشحال زمیندار‘ کی افادیت کے اعتراف میں ایوارڈ دیا گیا
کراچی (بائی رپورٹر) ٹیلی نار پاکستان نے’’سروس میں جدت‘‘ کے میدان میں پاشا آئی سی ٹی ایوارڈ ’ 2016 جیت لیا ہے، یہ ایوارڈ ٹیلی نار پاکستان کو ان کی کسانوں کے لئے شروع کی گئی جدید ترین موبائل زرعی سروس ’’خوشحال زمیندار‘‘ کی افادیت کے اعتراف میں دیا گیا۔
خوشحال زمیندار پنجاب کے چھوٹے کسانوں کی مدد کیلئے قائم کی گئی ایک پبلک سروس ہے جو ٹیلی نار پاکستان کے موبائل زراعت خدمات کا تسلسل ہے۔ ٹیلی نار کے صارفین 7272 ملا کر اس سروس سے مفت فائدہ اٹھا سکتے ہیں جس میں کسانوں کو روزانہ دو اطلاعات بذریعہ ایس ایم ایس بھیجی جاتی ہیں۔ صبح موسم کی پیش گوئی اور کاشت کاری سے متعلق مفید معلومات اور شام کو مویشیوں کی دیکھ بھال سے متعلق معلومات پہنچائی جاتی ہیں۔صارفین IVR-7272 کے استعمال کے لیے ایس ایم ایس یا OBDs میں سے ایک کا انتخاب کرسکتے ہیں، جہاں وہ کئی فصلوں کی دیکھ بھال کے لیے مقامی ضروریات سے ہم آہنگ معلوماتی مواد سے مستفیدہو سکتے ہیں۔
کوئی تبصرے نہیں:
Write comments