میگا موٹر نے BYD کراچی میراتھن 2027 کے لیے شراکت داری کی تجدید کر دی، خواتین ایتھلیٹس کی تربیت کے لیے ’شی رنز‘ پروگرام کا اعلان

میگا موٹر نے BYD کراچی میراتھن 2027 کے لیے شراکت داری کی تجدید کر دی، خواتین ایتھلیٹس کی تربیت کے لیے ’شی رنز‘ پروگرام کا اعلان

Admin   9:45 AM

کراچی، 14 اکتوبر 2026: میگا موٹر کمپنی (MMC)، جو پاکستان میں BYD کی آفیشل پارٹنر ہے، نے مسلسل دوسرے سال BYD کراچی میراتھن کے لیے اپنی شراکت داری کی تجدید کر دی ہے۔ اس اقدام کا مقصد پاکستان میں دوڑ کے کھیل کو فروغ دینے اور مقامی ایتھلیٹس کے لیے نئے مواقع پیدا کرنے کے عزم کو مزید مضبوط بنانا ہے۔ اس شراکت داری کے تحت MMC خواتین کی دوڑ میں شرکت کی حوصلہ افزائی اور معاونت کے لیے ’شی رنز‘ (She Runs) کے نام سے کارپوریٹ سماجی ذمہ داری (CSR) پروگرام بھی متعارف کرائے گی۔ یہ اقدام 3 جنوری کو منعقد ہونے والی BYD کراچی میراتھن 2027 سے قبل شروع کیا جائے گا۔

BYD کراچی میراتھن پاکستان کی پہلی ورلڈ ایتھلیٹکس سے تصدیق شدہ میراتھن ہے، جو مقامی اور بین الاقوامی رنرز کو ایک پلیٹ فارم پر جمع کرنے کے ساتھ پاکستانی ایتھلیٹس کو عالمی معیار کے مطابق مقابلے کا موقع فراہم کرتی ہے۔ میراتھن کے وژن 2032 کے تحت پاکستانی رنرز کے لیے بڑے بین الاقوامی میراتھن مقابلوں اور بالآخر اولمپک گیمز تک رسائی کی راہ ہموار کرنے کا بھی ہدف مقرر کیا گیا ہے۔

’شی رنز‘ پروگرام کے تحت MMC کراچی کی 10 منتخب خواتین کے لیے 10 ہفتوں پر مشتمل ایک منظم میراتھن تربیتی پروگرام کی مالی معاونت کرے گی۔ شرکائ کو برداشت بڑھانے کی تربیت، غذائیت، فزیوتھراپی، تحفظ اور فلاح و بہبود کے حوالے سے معاونت فراہم کی جائے گی، تاکہ وہ میراتھن میں حصہ لینے کے لیے ضروری تیاری اور وسائل حاصل کر سکیں۔

شی رنز پروگرام کے حوالے سے میگا موٹر کمپنی کی سینئر جنرل منیجر، ایچ آر، ایڈمن اینڈ سی ایس آر، انعم عبداللہ نے کہا:

’’میگا موٹر کمپنی میں ہمارا یقین ہے کہ خواتین کو بااختیار بنانے کا آغاز ایسے مواقع فراہم کرنے سے ہوتا ہے جو انہیں اپنی صلاحیتوں کو پہچاننے اور اپنے عزائم کو پورا کرنے کے قابل بنائیں۔ شی رنز کے ذریعے ہمارا مقصد خواتین کے لیے میراتھن میں شرکت کو مزید قابلِ رسائی بنانا ہے۔ اس پروگرام کے تحت کراچی کی 10 خواہش مند رنرز کو منظم تربیت، رہنمائی اور معاونت فراہم کی جائے گی، تاکہ وہ مکمل میراتھن کی تیاری کر سکیں اور اسے کامیابی سے مکمل کریں۔ یہ اقدام خواتین کے لیے ایسے بامعنی مواقع پیدا کرنے کے ہمارے عزم کی عکاسی کرتا ہے جو انہیں اپنی حدود سے آگے بڑھنے، اعتماد پیدا کرنے اور ایسے اہداف حاصل کرنے کی ترغیب دیں جنہیں وہ شاید پہلے اپنی پہنچ سے باہر سمجھتی ہوں۔‘‘
کراچی میراتھن کے بانی، شعیب نظامی نے کہا:

’’MMC کی مسلسل شراکت داری نے پاکستان میں دوڑ کو ایک مقبول اور عام کھیل بنانے کے ہمارے وژن کو آگے بڑھانے میں مدد دی ہے۔ اس سال ہمارا مقصد BYD کراچی میراتھن کو مزید وسیع اور جامع بنانا ہے، تاکہ ہر عمر اور مختلف صلاحیتوں کے حامل افراد اس میں شرکت کر سکیں اور خواہش مند رنرز کے لیے بین الاقوامی مقابلوں میں حصہ لینے کی راہیں ہموار ہوں۔ ہم اس سال خصوصی افراد کے لیے بھی ایک کیٹیگری متعارف کرا رہے ہیں۔ شی رنز جیسے اقدامات ہمارے وژن کو مزید تقویت دیتے ہیں، کیونکہ یہ خواتین کو پیشہ ورانہ تربیت اور محفوظ، معاون ماحول فراہم کرکے میراتھن کی تیاری اور اس میں شرکت کے قابل بناتے ہیں۔‘‘

BYD کراچی میراتھن 2027 میں فل میراتھن، ہاف میراتھن، ریلے اور 5K کیٹیگریز شامل ہوں گی، جن میں پاکستان اور بیرونِ ملک سے رنرز شرکت کریں گے۔ تمام کیٹیگریز کے لیے رجسٹریشن کھل چکی ہے۔ دلچسپی رکھنے والے افراد www.karachimarathon.org   پر رجسٹریشن کروا سکتے ہیں۔

اس شراکت داری کے تسلسل کے ذریعے BYD اور MMC کا مقصد پاکستان میں دوڑ کے کلچر کو فروغ دینا، کھیلوں میں شمولیت کے مواقع بڑھانا اور مقامی ٹیلنٹ کو اپنے عزائم کی تکمیل کے لیے معاونت فراہم کرنا ہے۔

جوبلی لائف انشورنس کمپنی لمیٹڈ نے ایمپلائرز فیڈریشن آف پاکستان (EFP) کا "گیم چینجر آئیکن آف پاکستان" ایوارڈ حاصل کرلیا

جوبلی لائف انشورنس کمپنی لمیٹڈ نے ایمپلائرز فیڈریشن آف پاکستان (EFP) کا "گیم چینجر آئیکن آف پاکستان" ایوارڈ حاصل کرلیا

Admin   11:46 AM

کراچی،  جوبلی لائف انشورنس کمپنی لمیٹڈ کو ایمپلائرز فیڈریشن آف پاکستان (EFP) کی جانب سے لائف انشورنس کیٹیگری میں "گیم چینجر آئیکن آف پاکستان" ایوارڈ سے نوازا گیا ہے۔

 یہ ایوارڈ 7 اکتوبر 2026 کو گورنر ہاؤس، کراچی میں ہونے والی خصوصی پلاٹینم جوبلی تقریبات اور ایوارڈز کی تقریب میں دیا گیا۔

جوبلی لائف انشورنس کے   منیجنگ ڈائریکٹر اور چیف ایگزیکٹو آفیسر جاوید احمد نے   گورنر سندھ سید نہال ہاشمی سے ایوارڈ وصول کیا   اس موقع پر انٹرنیشنل لیبر آرگنائزیشن (ILO) کے ڈائریکٹر جنرل گلبرٹ ایف ہونگبو؛ اور ایمپلائرز فیڈریشن آف پاکستان کے صدر ماجد عزیز بھی موجود تھے۔

یہ اعزاز ایک ذمہ دار اور پائیدار کاروبار کی تعمیر کے لیے ہماری مسلسل کوششوں کا عکاس ہے، اور اس بات کی بھی دلیل ہے کہ  جوبلی انشورنس سے وابستہ ملازمین کو کام کی  ایسی جگہ فراہم کرتا ہے جہاں وہ خود کو قابلِ قدر، معاون اور جوبلی انشورنس کے کاز میں شامل محسوس کریں۔

 یہ اعزاز ملازمین کی فلاح و بہبود،  شمولیت، اور زیادہ پائیدار ماحول کے لیے بامعنی اقدامات کرنے کے ہمارے عزم کو بھی اجاگر کرتا ہے۔

یہ کامیابی ہم سب کی ہے اور جوبلی لائف انشورنس کی   اجتماعی کوششوں کی عکاس ہے ۔

الغازی ٹریکٹرز پی اے سی کی ایگری کنیکشنز کانفرنس کا پلاٹینم اسپانسر، زرعی شعبے میں جدید ٹیکنالوجی کے فروغ پر زور

الغازی ٹریکٹرز پی اے سی کی ایگری کنیکشنز کانفرنس کا پلاٹینم اسپانسر، زرعی شعبے میں جدید ٹیکنالوجی کے فروغ پر زور

Admin   6:14 PM

 غذائی تحفظ کیلئے زرعی مشینری اور جدید ٹیکنالوجی کا استعمال بڑھانا ہوگا: یاسین سیکر

لاہور - الغازی ٹریکٹرز لمیٹڈ (AGTL) نے پاکستان ایگریکلچرل کولیشن (PAC) کی ایگری کنیکشنز کانفرنس و ایکسپو 2026 میں پلاٹینم اسپانسر کی حیثیت سے شرکت کرتے ہوئے پاکستان میں غذائی تحفظ کیلئے جدید اور مؤثر زرعی مشینری کے استعمال اور کسانوں تک جدید زرعی ٹیکنالوجی کی رسائی بہتر بنانے پر زور دیا۔

لاہور ایکسپو سینٹر میں یکم اور 2 اکتوبر کو حکومت پنجاب کے اشتراک سے منعقد ہونے والی ایگری کنیکشنز کانفرنس و ایکسپو 2026 کا موضوع ”موسمیاتی تبدیلی کے دور میں غذائی تحفظ اور زرعی سرمایہ کاری“ تھا۔ایونٹ میں ورلڈ بینک، انٹرنیشنل فنانس کارپوریشن (IFC) اور اقوام متحدہ کے ادارے فوڈ اینڈ ایگریکلچر آرگنائزیشن (FAO) نے اسٹریٹجک شراکت داروں کی حیثیت سے شرکت کی۔ کانفرنس میں اعلیٰ حکام، پالیسی سازوں، کثیرالجہتی اداروں، زرعی کاروبار سے وابستہ شخصیات، مالیاتی اداروں اور ترقی پسند کسانوں نے شرکت کی۔

کانفرنس کے پہلے روز خطاب کرتے ہوئے الغازی ٹریکٹرز کے چیف ایگزیکٹو آفیسر یاسین سیکر نے پاکستان کے زرعی شعبے کو درپیش چار بڑے مسائل کی نشاندہی کی، جن میں علاقائی معیار کے مقابلے میں فصلوں کی کم پیداوار، خوراک کی بڑھتی ہوئی طلب، چھوٹے کسانوں کیلئے زرعی مداخل کی بڑھتی لاگت اور بے قاعدہ مون سون، شدید گرمی اور پانی کی قلت کے بڑھتے ہوئے اثرات شامل ہیں۔

یاسین سیکر نے کہا کہ الغازی ٹریکٹرز کا کردار صرف ٹریکٹر کی تیاری تک محدود نہیں بلکہ مقامی پیداوار، سپلائرز کی ترقی، دیہی علاقوں میں ہنرمندی کی منتقلی اور ملک بھر میں سروس نیٹ ورک کی فراہمی بھی کمپنی کی خدمات کا حصہ ہے۔ انہوں نے بتایا کہ کمپنی 1983 سے ڈیرہ غازی خان میں قائم اپنے پلانٹ کے ذریعے پاکستان میں نیو ہالینڈ ٹریکٹرز تیار کر رہی ہے۔

یاسین سیکر نے کہا کہ ”کئی دہائیوں سے پاکستانی کسانوں کو مناسب قیمت پر قابلِ اعتماد ہارس پاور کی ضرورت رہی ہے اور یہ ضرورت آج بھی موجود ہے، تاہم کسانوں کی ضروریات تبدیل ہو رہی ہیں۔ آج کسان پیداوار میں اضافہ، مشین کی مسلسل کارکردگی، ہر زرعی مداخل کے مؤثر استعمال اور مشین کی پوری مدتِ استعمال کے دوران معاونت چاہتے ہیں۔“

انہوں نے زرعی شعبے میں فوری طور پر مفید ثابت ہونے والی دو ٹیکنالوجیز کی نشاندہی کرتے ہوئے ٹیلی میٹکس اور زرعی مشینری کی درست رہنمائی اور خودکار ڈرائیونگ ٹیکنالوجی کو اہم قرار دیا۔


ان کے مطابق ٹیلی میٹکس کے ذریعے مشین کی حالت کی حقیقی وقت میں نگرانی، خرابی کی بروقت اطلاع اور مشین کے استعمال سے متعلق واضح معلومات حاصل کی جا سکتی ہیں، جس سے خرابی کے بعد مرمت کے بجائے پہلے سے منصوبہ بندی کے تحت مشین کی دیکھ بھال ممکن ہوگی۔

انہوں نے کہا کہ زرعی مشینری کی درست رہنمائی اور خودکار ڈرائیونگ ٹیکنالوجی کے ذریعے کھیت میں مشین کے غیر ضروری بار بار گزرنے کو کم کیا جا سکتا ہے، بیج، کھاد اور زرعی ادویات زیادہ درست انداز میں استعمال کی جا سکتی ہیں اور آپریٹر کے تجربے سے قطع نظر کام کے نتائج میں یکسانیت پیدا کی جا سکتی ہے۔

یاسین سیکر نے کہا کہ جدید ٹیکنالوجی کا استعمال عملی ہونا چاہیے اور اس کی بنیاد کسان کی ضرورت اور فائدے پر ہونی چاہیے۔ ان کے مطابق اس عمل کا آغاز بنیادی مشینی کاشت اور سروس سہولیات کو مضبوط بنانے سے ہونا چاہیے، جس کے بعد زیادہ اہمیت رکھنے والی ٹیکنالوجیز کو آزمائشی بنیادوں پر استعمال کیا جائے، ان کے معاشی فوائد کو کسان کی سطح پر ثابت کیا جائے، ڈیلرز اور سروس فراہم کرنے والوں کی صلاحیت بہتر بنائی جائے اور صرف ان ٹیکنالوجیز کو بڑے پیمانے پر اپنایا جائے جو کسانوں کیلئے واضح اور ثابت شدہ فائدہ فراہم کریں۔

انہوں نے کہا کہ ”ٹیکنالوجی کا استعمال فائدے کی بنیاد پر ہونا چاہیے، ٹیکنالوجی کو مقصد نہیں بلکہ کسان کیلئے بہتر نتائج حاصل کرنے کا ذریعہ ہونا چاہیے۔ اگر کوئی حل کسان کے اپنے کھیت میں اپنی افادیت ثابت نہیں کرسکتا تو اسے بڑے پیمانے پر استعمال کرنے کی کوئی وجہ نہیں۔ یہی طریقہ جدت کو پیداوار میں حقیقی اضافے اور غذائی تحفظ میں تبدیل کرے گا۔“کانفرنس کے دوسرے روز یاسین سیکرنے ”زراعت میں ٹیکنالوجی کا مستقبل“ کے عنوان سے اعلیٰ سطحی پینل میں شرکت کی، جہاں انہوں نے پاکستان میں روایتی ٹریکٹرائزیشن سے آگے بڑھ کر مشینری، پریسیژن ٹیکنالوجی، ڈیجیٹل ذرائع اور کسانوں تک بہتر رسائی پر مشتمل مربوط نظام کی ضرورت پر زور دیا۔

انہوں نے کہا کہ زراعت پاکستان کی معیشت میں اہم کردار ادا کرتی ہے، تاہم گزشتہ ایک سال کے دوران ٹریکٹر کی پیداوار اور فروخت میں کمی آئی ہے۔ ان کے مطابق مسئلہ صرف دستیاب مشینوں کی تعداد کا نہیں بلکہ یہ بھی ہے کہ کسان انہیں خریدنے، ان کیلئے مالی سہولت حاصل کرنے اور ان تک رسائی رکھنے کی صلاحیت رکھتے ہیں یا نہیں۔

یاسین سیکر نے کہا کہ پاکستان کے بیشتر زرعی فارم چھوٹے رقبے پر مشتمل ہیں، اس لیے مشینری کرائے پر فراہم کرنے، لیزنگ، مشینری کے مشترکہ استعمال اور مشینی کاشت بطور سروس جیسے ماڈلز جدید زرعی آلات ان کسانوں تک پہنچانے میں مدد دے سکتے ہیں جو ہر مشین ذاتی ملکیت میں رکھنے کی استطاعت نہیں رکھتے۔

الغازی ٹریکٹرز نے کانفرنس کے دوران اس امر پر بھی زور دیا کہ زرعی شعبے میں جدید ٹیکنالوجی کے فروغ کیلئے تمام متعلقہ فریقوں کو اپنا کردار ادا کرنا ہوگا۔ کمپنی کے مطابق کسانوں کو یہ طے کرنے میں کردار ادا کرنا ہوگا کہ ان کیلئے کون سی ٹیکنالوجی موزوں اور مفید ہے، جبکہ مینوفیکچررز اور ڈیلرز کو اس ٹیکنالوجی کے استعمال اور دیکھ بھال کیلئے ضروری صلاحیت پیدا کرنا ہوگی۔

حکومت کو پالیسی فریم ورک اور زرعی توسیعی خدمات فراہم کرنا ہوں گی، مالیاتی اداروں کو زرعی مشینری کیلئے قابلِ استطاعت مالی سہولیات اور فصلوں کی انشورنس فراہم کرنا ہوگی، ٹیکنالوجی فراہم کرنے والوں کو مقامی حالات کے مطابق حل تیار کرنا ہوں گے جبکہ ترقیاتی اداروں کو اس بات کو یقینی بنانا ہوگا کہ چھوٹے کسان جدید ٹیکنالوجی کے فوائد سے محروم نہ رہیں۔

یاسین شیکر نے کہا کہ ”کوئی ایک فریق اکیلا اس خلا کو ختم نہیں کرسکتا۔ جب حکومت، مالیاتی ادارے، مینوفیکچررز، ٹیکنالوجی فراہم کرنے والے اور کسان ایک ساتھ آگے بڑھیں گے تو جدید زرعی ٹیکنالوجی قابلِ استطاعت، قابلِ رسائی اور عملی طور پر کسانوں کیلئے مفید بن سکے گی۔“

ایگری کنیکشنز کانفرنس و ایکسپو کے دوران ال غازی ٹریکٹرز نے زرعی شعبے سے وابستہ افراد اور شرکا کیلئے اپنے اسٹال پر نیو ہالینڈ ٹریکٹرز بھی پیش کیے۔

الغازی ٹریکٹرز کی جانب سے کانفرنس میں پلاٹینم اسپانسر کی حیثیت سے شرکت، جون 2026 میں پاکستان ایگریکلچرل کولیشن کے پیٹرن کے طور پر کمپنی کی شمولیت کے بعد اس شراکت داری کو مزید آگے بڑھانے کی کڑی ہے۔اس شراکت داری کے ذریعے ال غازی ٹریکٹرز پاکستان میں چار دہائیوں سے زائد عرصے سے نیو ہالینڈ ٹریکٹرز کی تیاری کے اپنے تجربے کو پاکستان ایگریکلچرل کولیشن کے نجی شعبے کی قیادت میں زرعی شعبے کو زیادہ پیداواری، ٹیکنالوجی پر مبنی اور مسابقتی بنانے کے قومی ایجنڈے کے ساتھ جوڑ رہا ہے۔

BYD-MMC Hits Major Milestone with 10,000 Vehicles on Pakistani Roads

BYD-MMC Hits Major Milestone with 10,000 Vehicles on Pakistani Roads

Admin   3:06 PM

Karachi, September 25, 2026: Mega Motor Company (MMC), the official partner of BYD in Pakistan, announced that BYD has reached a major milestone of 10,000 vehicles on Pakistani roads, marking the fastest ramp-up by a new-entrant New Energy Vehicle (NEV) brand in the country’s automotive history. The achievement reflects strong consumer demand, growing confidence in new energy mobility and the momentum BYD-MMC has built in the Pakistani market ahead of the commencement of local assembly.

BYD entered Pakistan with the BYD Atto 3 and BYD Seal and has since expanded its portfolio to five models. The lineup now also includes the Atto 2, Pakistan’s top-selling EV, the Sealion 7, and the Shark 6, the country’s first plug-in hybrid (PHEV) pickup, extending new energy mobility across a wider range of consumer needs and lifestyles.

“The significance of 10,000 vehicles goes well beyond the number itself. It reflects the progress MMC has made in building the foundations for new energy mobility in Pakistan,” said Aly Khan, CEO of Mega Motor Company. “From the outset, our focus has been on building for the long term, establishing the capabilities, infrastructure and market presence needed to support this transition at scale. We are pleased to have BYD as our partner and to have worked closely together at every step to bring this vision to life. As we move towards the next step in our journey, MMC is preparing to launch Pakistan’s first and largest NEV assembly facility, marking a new chapter in our commitment to the future of mobility in Pakistan.”

The pace of adoption also points to a broader shift in consumer confidence. Reaching 10,000 vehicles demonstrates the strength of demand BYD-MMC has established across multiple segments, even as Pakistan’s NEV market remains at an early stage of development.

“Pakistan has quickly become an important market in BYD’s global journey, and the trust consumers have shown in our brand is particularly significant to us,” said Liu Xueliang, Vice President of BYD Co. Ltd. General Manager of BYD Asia Pacific Auto Sales Division. “Every BYD owner who has chosen to embrace new energy technology reinforces our commitment to this market. We are working closely with MMC to ensure the right mix of products is available to Pakistani consumers at the right time, supporting a seamless customer experience throughout their new energy journey. We will continue bringing BYD’s world-class technology and innovation to Pakistan and expanding our presence in the market as consumer needs evolve.”

The next milestone in Pakistan’s NEV journey is already taking shape, with the upcoming BYD-MMC facility set to become the country’s largest state-of-the-art plant dedicated exclusively to the production of NEVs. The facility will mark a significant step forward in the development of Pakistan’s NEV ecosystem, taking the country from the adoption of imported NEVs to their production locally.

بی وائی ڈی نے 10 ہزار گاڑیوں کے پاکستانی سڑکوں پر آنے کا اہم سنگ میل عبور کرلیا

کراچی( 24 ستمبر 2026): پاکستان میں BYD کے آفیشل پارٹنر میگا موٹر کمپنی (MMC) نے اعلان کیا ہے کہ BYDکی 10ہزار گاڑیاں پاکستان کی سڑکوں پرآچکی ہیں جو ایک اہم سنگ میل ہے۔ یہ کامیابی پاکستان کی آٹو موٹو صنعت کی تاریخ میں نیو انرجی گاڑیوں (NEV) کی کیٹگری میں کسی نئے برانڈ کی جانب سے تیزی سے مارکیٹ میں جگہ بنانے کی ایک منفرد مثال ہے۔ اس کامیابی سے ظاہر ہوتا ہے کہ پاکستانی صارفین میں نئی توانائی سے چلنے والی گاڑیوں کی طلب بڑھ رہی ہے اور لوگوں کا اس جدید ٹیکنالوجی پر اعتماد بھی مضبوط ہو رہا ہے۔ مقامی سطح پر گاڑیوں کی اسمبلنگ شروع ہونے سے قبل ہی BYD-MMC نے پاکستان کی مارکیٹ میں مضبوط جگہ حاصل کرلی ہے۔

BYDنے پاکستان میں BYD Atto 3 اور BYD Seal کے ساتھ پاکستانی مارکیٹ میں سفر کا آغاز کیا اور ماڈلز کی تعداد کو بڑھا کر پانچ تک پہنچا دیا ہے۔ اس فہرست میں اب Atto 2 بھی شامل ہے، جو پاکستان میں سب سے زیادہ فروخت ہونے والی الیکٹرک گاڑی ہے،فہرست میں Sealion 7 اور Shark 6 بھی شامل ہیں جو ملک کی پہلی پلگ ان ہائبرڈ (PHEV) پک اپ گاڑی ہے۔ اس طرح BYDنے مختلف صارفین کی ضروریات اور طرز زندگی کے انداز کے مطابق جدید توانائی سے چلنے والی گاڑیوں کے انتخاب کو مزید وسیع کر دیا ہے۔

میگا موٹر کمپنی کے چیف ایگزیکٹو آفیسر علی خان نے کہا کہ 10 ہزار گاڑیوں کی تیاری کا سنگ میل عبور کرنا صرف عددی بہتری نہیں بلکہ پاکستان میں نیو انرجی گاڑیوں کے لیے بنیادی ڈھانچہ تیار کرنے میں MMC کی پیش رفت کی عکاسی کرتا ہے۔ ابتدا ہی سے کمپنی کی توجہ طویل المدتی بنیادوں پر کام کرنے، ضروری صلاحیت، انفراسٹرکچر اور مارکیٹ میں اپنی موجودگی کو مستحکم کرنے پر رہی ہے تاکہ پاکستان میں نیو انرجی گاڑیوں کے استعمال کو بڑے پیمانے پر فروغ دیا جاسکے۔ MMCکو BYD کے ساتھ شراکت داری پر فخر ہے کیونکہ دونوں کمپنیوں نے مشترکہ طور پر اس وژن کو عملی شکل دینے کے لیے مل کر کام کیا ہے۔ اگلے مرحلے میں MMC پاکستان میں پہلا اور سب سے بڑا نیو انرجی گاڑیوں(NEV) کا اسمبلی پلانٹ قائم کرنے کی تیاری کر رہی ہے، جو پاکستان میں گاڑیوں کے مستقبل کے حوالے سے کمپنی کے عزم کا ایک نیا باب ہوگا۔

BYDکی گاڑیوں کی بڑھتی ہوئی فروخت صارفین کے اعتماد میں وسیع تر تبدیلی کی بھی نشاندہی کرتی ہے۔ پاکستان میں نئی انرجی گاڑیوں کی مارکیٹ ابھی ابتدائی مراحل میں ہے، تاہم 10 ہزار گاڑیوں کا سنگ میل عبور کرنا مختلف شعبوں میں BYD-MMC کی گاڑیوں کی طلب کو ظاہر کرتا ہے۔

BYDکمپنی لمیٹڈ کے نائب صدر اور ایشیا پیسیفک آٹو سیلز ڈویژن کے جنرل منیجر لیو شولیانگ نے کہا کہ پاکستان BYD کی عالمی کاروباری پیش رفت میں تیزی سے ایک اہم مارکیٹ بن گیا ہے اور پاکستانی صارفین کی جانب سے برانڈ پر اعتماد خاص اہمیت رکھتا ہے۔ ہر وہ BYD صارف جو نیو انرجی ٹیکنالوجی کو اختیار کر رہا ہے، پاکستان کی مارکیٹ کے لیے کمپنی کے عزم کو مزید مضبوط کرتا ہے۔ BYD، MMC کے ساتھ مل کر پاکستانی صارفین کی ضروریات کے مطابق مناسب وقت پر مختلف ماڈلز فراہم کرنے اور نیو انرجی گاڑیوں کے استعمال کے پورے سفر کے دوران صارفین کو بہتر سہولت دینے کے لیے کام کر رہی ہے۔ BYDاپنی بین الاقوامی معیار کی ٹیکنالوجی اور جدت کو پاکستان میں متعارف کرانے کا سلسلہ جاری رکھے گی اور صارفین کی ضروریات میں تبدیلی کے ساتھ ملک میں اپنی موجودگی کو مزید وسعت دے گی۔

پاکستان میں نیو انرجی گاڑیوں کے شعبے میں اگلا اہم مرحلہ بھی سامنے آ رہا ہے۔ زیر تعمیر BYD-MMC پلانٹ ملک کا سب سے بڑا جدید پلانٹ ہوگا جو خصوصی طور پر نیو انرجی گاڑیوں کی تیاری کے لیے قائم کیا جاریا ہے۔ یہ پلانٹ پاکستان میں نیو انرجی گاڑیوں کے شعبے کی ترقی میں اہم پیش رفت ثابت ہوگا اور ملک کو درآمد شدہ نیو انرجی گاڑیوں کے فروغ سے مقامی سطح پر ان گاڑیوں کی تیاری کے مرحلے میں داخل کرے گا۔

ندیم خان پی ٹی سی ایل کے سی ای او مقرر

ندیم خان پی ٹی سی ایل کے سی ای او مقرر

Admin   11:05 AM

اسلام آباد،  پاکستان ٹیلی کمیونی کیشن کمپنی لمیٹڈ (پی ٹی سی ایل) کے بورڈ آف ڈائریکٹرز نے آج کمپنی کی قیادت میں اہم تبدیلی کا اعلان کیا ہے۔ یہ فیصلہ ایک ایسے وقت میں سامنے آیا ہے، جب کمپنی نے یوفون 5G کے نام سے خدمات انجام دینے والے ادارے، پاک ٹیلی کام موبائل لمیٹڈ (پی ٹی ایم ایل) میں ٹیلی نار پاکستان کے انضمام کا مرحلہ مکمل کر لیا ہے۔ بورڈ آف ڈائریکٹرز نے پی ٹی سی ایل اور یوفون کے سابق گروپ چیف فنانشل آفیسر ندیم خان کو 14روز کے لیے فوری طور پر پی ٹی سی ایل کا چیف ایگزیکٹو آفیسر مقرر کر دیا ہے۔

ندیم خان ایک چارٹرڈ اکاؤنٹنٹ ہیں اور گزشتہ دو دہائیوں سے زائد عرصے سے پی ٹی سی ایل گروپ سے وابستہ ہیں۔ انہوں نے 2003 میں یوفون میں چیف فنانشل آفیسر کی حیثیت سے شمولیت اختیار کی، جہاں وہ ایک دہائی تک اس منصب پر فائز رہے، اس کے بعد انہوں نے مختصر مدت کے لیے یو مائیکروفنانس بینک لمیٹڈ کے بورڈ میں خدمات انجام دیں۔ 2017 میں وہ گروپ چیف فنانشل آفیسر کی حیثیت سے دوبارہ پی ٹی سی ایل گروپ میں شامل ہوئے، جہاں انہوں نے گروپ کی مالیاتی حکمت عملی کی قیادت کی اور ادارے کے انقلابی تبدیلیوں کے سفر میں اہم کردار ادا کیا، جس میں ٹیلی نار پاکستان کا انضمامی لین دین بھی شامل تھا۔ وہ اس وقت انسٹی ٹیوٹ آف چارٹرڈ اکاؤنٹنٹس آف پاکستان کے اکاؤنٹنگ اسٹینڈرڈز بورڈ کے رکن بھی ہیں۔

گزشتہ پانچ برسوں سے پی ٹی سی ایل اور یوفون کے صدر اور سی ای او کے طور پر خدمات انجام دینے والے حاتم بامطرف نے پی ٹی سی ایل میں اپنے عہدے سے استعفیٰ دے دیا ہے تاکہ پاک ٹیلی کام موبائل لمیٹڈ (پی ٹی ایم ایل) کے  سی ای او کا منصب سنبھال سکیں۔
قیادت کی اس تبدیلی کا مقصد پی ٹی سی ایل اور پی ٹی ایم ایل میں خدمات کا تسلسل برقرار رکھنا ہے ، کیونکہ دونوں ادارے اپنی ترقی کے اگلے مرحلے میں داخل ہو رہے ہیں۔

ایمریٹس نے 2026 بزنس ٹریولر مڈل ایسٹ ایوارڈز میں دنیا کی بہترین ایئرلائن کا اعزاز اپنے نام کر لیا

ایمریٹس نے 2026 بزنس ٹریولر مڈل ایسٹ ایوارڈز میں دنیا کی بہترین ایئرلائن کا اعزاز اپنے نام کر لیا

Admin   10:17 AM

 •  ایئرلائن مسلسل 13ویں سال دنیا کی بہترین ایئرلائن قرار

 •  بہترین فرسٹ کلاس اور بہترین ایئرپورٹ لاؤنج کے ایوارڈز بھی جیت لئے

کراچی،  ایمریٹس نے ایک بار پھر 2026 بزنس ٹریولر مڈل ایسٹ (BTME) ایوارڈز میں بڑی کامیابیاں حاصل کرلی ہیں۔ ایئرلائن نے انڈسٹری کا سب سے باوقار ایوارڈ ''دنیا بھر کی بہترین ایئرلائن'' کا ایوارڈ اپنے نام کیا، جبکہ دبئی انٹرنیشنل ایئرپورٹ پر واقع اپنے فرسٹ کلاس لاؤنج کی بدولت مشرقِ وسطیٰ کے بہترین ایئرپورٹ لاؤنج اور بہترین فرسٹ کلاس کے ایوارڈز بھی جیت لئے ہیں۔

بزنس ٹریولر مڈل ایسٹ ایوارڈز خطے میں سفری صنعت کے معتبر ترین ایوارڈز میں شمار ہوتے ہیں، جہاں کاروباری سفر کے شعبے میں نمایاں خدمات کا اعتراف کیا جاتا ہے۔ ان ایوارڈز کے فاتحین کا انتخاب بزنس ٹریولر مڈل ایسٹ کے قارئین کی نامزدگیوں اور ووٹنگ کی بنیاد پر کیا جاتا ہے۔ ایمریٹس کی جانب سے یہ ایوارڈز ایئرلائن کے ڈپٹی پریذیڈنٹ اور چیف کمرشل آفیسر عدنان کاظم نے وصول کئے۔

یہ اعزازات اس بات کا مظہر ہیں کہ ایمریٹس فضائی سفر سے لے کر زمینی سہولیات تک، ہر مرحلے پر مسافروں کے تجربے کو مزید بہتر بنانے کے لیے مسلسل سرمایہ کاری کر رہا ہے۔ ایئرلائن کے 219 ایئربس A380 اور بوئنگ 777 طیاروں کی جامع تزئین و آرائش کا پروگرام تیزی سے جاری ہے، جبکہ نئے ایئربس A350 طیاروں کی مسلسل فراہمی کے ذریعے جدید ٹیکنالوجیز اور کیبن سہولیات کو اس کے تقریباً 140 عالمی مقامات پر مشتمل نیٹ ورک تک توسیع دی جا رہی ہے۔

جدید طرز پر اپ گریڈ ہونے والے طیارے اور نئے ایئربس A350 اب ایمریٹس کے 70 سے زائد عالمی مقامات پر خدمات سرانجام دے رہے ہیں، جس کے باعث دبئی سے آمد و رفت کرنے والے مسافروں کو زیادہ معیاری اور مسلسل سفری تجربہ فراہم کیا جا رہا ہے۔

 ایمریٹس کی فرسٹ کلاس فضائی سفر میں اعلیٰ معیار اور پرتعیش سہولیات کا نیا معیار قائم کرتی ہے۔ اس میں پرائیویٹ اور مکمل طور پر بند سوئٹس، مسافروں کی پسند کے کھانے، علاقائی ذائقوں سے مزین خصوصی مینو، مختلف اقسام کے مشروبات، بلغاری کے لگژری لاؤنج ویئر اور ایمینٹی کٹس، بائریڈو کی پریمیم اسکن کیئر مصنوعات، A380 پر شاور اسپا اور آن بورڈ لاؤنج سمیت متعدد منفرد سہولیات شامل ہیں۔ فرسٹ اور بزنس کلاس کے مسافروں کے لیے یہ خصوصی تجربہ صرف دورانِ پرواز تک ہی محدود نہیں رہتا بلکہ تقریباً 90 مقامات پر شوفر ڈرائیو سروس، ایئرپورٹ پر ترجیحی سہولیات اور دنیا بھر کے 30 سے زائد مقامات پر ایمریٹس لاؤنجز تک رسائی بھی اس کا حصہ ہے۔

 مشرقِ وسطیٰ کے بہترین ایئرپورٹ لاؤنج کا اعزاز حاصل کرنے والے دبئی انٹرنیشنل ایئرپورٹ پر ایمریٹس کے تین فرسٹ کلاس لاؤنجز میں مسافروں کو آ لا کارٹ ڈائننگ، مفت اسپا سروسز، پریمیم ڈیوٹی فری شاپنگ ایریا، اعلیٰ معیار کے مشروبات کا انتخاب اور منتخب راستوں سے براہِ راست بورڈنگ جیسی متعدد سہولیات فراہم کی جاتی ہیں۔

اپنی مصنوعات، خدمات اور عالمی نیٹ ورک میں مسلسل سرمایہ کاری کے باعث ایمریٹس نے بدستور ہوابازی کی صنعت میں نمایاں مقام برقرار رکھا ہے۔

حال ہی میں ایئرلائن نے اپنے طیاروں میں اسٹارلنک انٹرنیٹ سروس متعارف کرائی ہے، اور یہ منصوبہ مکمل ہونے کے بعد ایمریٹس دنیا کی سب سے بڑی اسٹارلنک سے لیس بین الاقوامی چوڑی جسامت کے حامل فضائی بیڑہ آپریٹ کرنے والی ایئرلائن بن جائے گی۔ اب تک 36 طیاروں میں یہ تیز رفتار انٹرنیٹ سروس نصب کی جا چکی ہے، جس کی بدولت مسافر سفر کے دوران ویڈیوز اور دیگر مواد اسٹریم کر سکتے ہیں، گیمنگ، کالز، دفتری کام اور سوشل میڈیا کا استعمال بھی باآسانی کر سکتے ہیں۔ ایمریٹس نے حال ہی میں جامع ٹریول کور انشورنس بھی متعارف کرائی ہے، یہ اپنی نوعیت کی منفرد سہولت ہے جو مسافروں کو سفر کے دوران اضافی تحفظ اور اطمینان فراہم کرتی ہے۔ اسی سال اکتوبر میں ایمریٹس ہیلسنکی کے لیے یومیہ پروازوں کا آغاز بھی کرے گا، جس کے بعد یہ فن لینڈ اور متحدہ عرب امارات کے درمیان سال بھر جاری رہنے والی واحد براہِ راست فضائی سروس ہوگی۔

موبی لنک بینک اور اگنائٹ کے اشتراک سے سیالکوٹ میں نیشنل انکیوبیشن سینٹر کے قیام کا اعلان

موبی لنک بینک اور اگنائٹ کے اشتراک سے سیالکوٹ میں نیشنل انکیوبیشن سینٹر کے قیام کا اعلان

Admin   10:28 AM

اسلام آباد،  وزارتِ آئی ٹی اینڈ ٹیلی کمیونیکیشن (MoITT) کے تحت کام کرنے والے ادارے اِگنائٹ (Ignite) نے موبی لنک بینک کی قیادت میں قائم کنسورشیم کے ساتھ ایک معاہدے پر دستخط کیے ہیں جس میں سائبر وژن انٹرنیشنل بھی شامل ہے۔ اس اشتراک کے تحت نیشنل انکیوبیشن سینٹر (این آئی سی) سیالکوٹ کو قائم اور فعال کیا جائے گا۔ اس اقدام کا مقصد پاکستان کے جدید اور کاروباری نظام کو مزید مستحکم بنانا ہے۔

اس شراکت داری کا بنیادی عزم یہ ہے کہ سیالکوٹ میں ٹیکنالوجی پر مبنی اسٹارٹ اپس اور جدید کاروباری منصوبوں کے لیے ایک خصوصی پلیٹ فارم قائم کیا جائے۔ سیالکوٹ پاکستان کے اہم صنعتی اور برآمدی مراکز میں شمار ہوتا ہے۔

اس معاہدے کی تقریب اسلام آباد میں وزارتِ آئی ٹی اینڈ ٹیلی کمیونیکیشن میں منعقد ہوئی، جس میں وزارت کے اعلیٰ حکام، اِگنائٹ اور موبی لنک بینک کے سینئر نمائندوں نے شرکت کی۔

اس موقع پر وفاقی وزیر برائے آئی ٹی اینڈ ٹیلی کمیونیکیشن شزا فاطمہ خواجہ نے کہا، ''این آئی سی سیالکوٹ کا قیام وزیراعظم شہباز شریف کے ڈیجیٹل نیشنل پاکستان وژن کی عکاسی کرتا ہے۔ حکومت اپنا کاروبار کرنے والے نوجوانوں کو جدید وسائل اور بہتر مواقع فراہم کر کے ملک بھر میں جدید اور ڈیجیٹل انٹرپرینیورشپ کے فروغ کے لیے نہایت پرعزم ہے۔''

سیالکوٹ دنیا بھر میں اسپورٹس کا سامان، سرجیکل آلات، چمڑے کی مصنوعات اور موسیقی کے ساز و سامان کی صنعتوں کے لیے معروف ہے، یہ شہر ای کامرس اور ڈیجیٹل ایکسپورٹس کے ایک اہم مرکز کے طور پر بھی ابھر کر سامنے آیا ہے۔ این آئی سی سیالکوٹ رہنمائی و تربیت، بزنس ڈویلپمنٹ سروسز، سرمایہ کاروں سے رابطے، مارکیٹ تک رسائی اور نیٹ ورکنگ کے ذریعے ہر سال تقریباً 25 اسٹارٹ اپس کو معاونت فراہم کرکے انکی کاروباری صلاحیت کو مزید مستحکم کرے گا۔ این آئی سی سیالکوٹ کا اقدام حکومت کے اس وژن سے ہم آہنگ ہے جس کے تحت بڑے شہروں سے باہر بھی انوویشن انفراسٹرکچر کو وسعت دی جائے، اور اسکے نتیجے میں کاروبار، جدید ٹیکنالوجی کے استعمال، آمدن اور برآمدات بڑھانے کے نئے مواقع پیدا کئے جائیں۔

اِگنائٹ کے سی ای او محمد بلال عباسی نے کہا، '' این آئی سی سیالکوٹ پاکستان کے اسٹارٹ اپ ایکو سسٹم کو مضبوط بنانے کی جانب ایک اہم سنگ میل ہے۔ یہ مرکز کاروبار کرنے والے افراد کو اپنے جدید آئیڈیا کو عملی شکل دے کر بڑے پیمانے پر کامیاب کاروبار میں تبدیل کرنے میں مدد دے گا جبکہ ٹیکنالوجی کے استعمال میں اضافے، صنعتی پیداوار اور برآمدی مسابقت کو بھی فروغ دے گا۔''

نیشنل انکیوبیشن سینٹر (این آئی سی) سیالکوٹ کا مقصد مقامی کاروباری افراد کو عالمی کمپنیوں کے شانہ بشانہ چلنے میں مدد فراہم کرنا ہے۔ انکیوبیشن پروگرام کے افتتاحی بیچ (Cohort 1) کے لیے باضابطہ درخواستیں جمع کرانے کا سلسلہ شروع ہو چکا ہے۔درخواست این آئی سی سیالکوٹ کی ویب سائٹ پر موجود لنک پر جمع کروائی جا سکتی ہے۔

موبی لنک بینک کے صدر اور سی ای او حارث محمود چوہدری نے کہا، ''پاکستان کی معاشی مضبوطی صرف چند شہروں تک محدود نہیں ہونی چاہیے بلکہ ملک بھر میں چھوٹے کاروباروں تک ترقی کے مواقع پہنچنے چاہئیں۔ موبی لنک بینک اس بات پر یقین رکھتا ہے کہ جدت سب کے لیے قابلِ رسائی ہو اور یہ مقامی کاروباری حالات کے ساتھ بھی منسلک ہو۔  این آئی سی سیالکوٹ کے ذریعے ہم کاروباری افراد کو رہنمائی، ڈیجیٹل ٹولز، مالی سہولیات اور مارکیٹ تک رسائی فراہم کر رہے ہیں تاکہ وہ اعتماد کے ساتھ اپنے کاروبار کو وسعت دے سکیں۔''

اگرچہ یہ مرکز تمام شعبوں کے اسٹارٹ اپس کے لیے ہے، لیکن خاص طور پر سیالکوٹ کی صنعتی مہارت سے جڑے شعبوں جیسے اسپورٹس ٹیکنالوجی، طبی و سرجیکل ٹیکنالوجی، مینوفیکچرنگ میں جدت، ای کامرس، برآمدات کو فروغ دینے والی سہولیات اور نئی ڈیجیٹل انڈسٹریز کو ترجیح دی جائے گی۔ اس کے علاوہ مصنوعی ذہانت (اے آئی)، انڈسٹری 4.0، جدید مینوفیکچرنگ، اسمارٹ سپلائی چینز، ہیلتھ ٹیکنالوجیز اور ڈیجیٹل کامرس جیسے تیزی سے پھیلنے والے شعبوں میں بھی جدت کی حوصلہ افزائی کی جائے گی۔

نیشنل انکیوبیشن سینٹر (این آئی سی) پاکستان کا اہم ترین ٹیکنالوجی انکیوبیشن اور ایکسیلیریشن اقدام ہے، جس کی مالی معاونت وزارتِ آئی ٹی اینڈ ٹیلی کمیونیکیشن اور اِگنائٹ نیشنل ٹیکنالوجی فنڈ کرتے ہیں۔ ملک بھر میں اس کے سات علاقائی مراکز، نجی شعبے کے نمایاں افراد و اداروں، جامعات اور عالمی اداروں کے اشتراک سے سرگرم ہیں۔

سپرنیٹ ٹیکنالوجیز کے بورڈ نے ممکنہ رائٹ ایشو کے منصوبے کی اصولی منظوری دے دی

سپرنیٹ ٹیکنالوجیز کے بورڈ نے ممکنہ رائٹ ایشو کے منصوبے کی اصولی منظوری دے دی

Admin   4:51 PM

کراچی ۔ سپرنیٹ ٹیکنالوجیز لمیٹڈ کے بورڈ آف ڈائریکٹرز نے کمپنی کی جانب سے مستقبل قریب میں عام حصص کے ممکنہ رائٹ ایشو کے اجراء کے ارادے کی اصولی منظوری دے دی ہے۔ یہ فیصلہ یکم جون 2026 کو کمپنی کے بورڈ آف ڈائریکٹرز کے اجلاس میں کیا گیا۔

 

پاکستان اسٹاک ایکسچینج کو ارسال کردہ کمپنی کے اعلامیے کے مطابق ممکنہ رائٹ ایشو کا مجموعی حجم 914.76 ملین روپے تک ہو سکتا ہے، تاہم اس کی حتمی منظوری متعلقہ وقت پر بورڈ آف ڈائریکٹرز دے گا۔ مجوزہ حصص، اگر جاری کیے گئے، تو ان کی قیمت 10 روپے فی شیئر سے زائد نہیں ہوگی، جس کا حتمی تعین بورڈ کرے گا۔

 

کمپنی کے مطابق رائٹ ایشو سے حاصل ہونے والی رقم بنیادی طور پر آئندہ منصوبوں کیلئے ورکنگ کیپیٹل کی ضروریات پوری کرنے پر خرچ کی جائے گی، جن سے سپرنیٹ ٹیکنالوجیز کی آپریشنل کارکردگی اور ترقی کے امکانات مزید مستحکم ہونے کی توقع ہے۔

 

حاصل ہونے والے فنڈز کا ایک حصہ سپرنیٹ لمیٹڈ کے 51 فیصد حصص کے حصول کیلئے 15 فروری 2024 کو ٹیلی کارڈ لمیٹڈ کے ساتھ طے پانے والے شیئر پرچیز ایگریمنٹ کے تحت واجب الادا رقم کی جزوی ادائیگی کیلئے بھی استعمال کیا جا سکتا ہے۔ اس کے علاوہ فنڈز کو بورڈ آف ڈائریکٹرز کی صوابدید کے مطابق دیگر مقاصد کیلئے بھی بروئے کار لایا جا سکے گا۔

 

کمپنی نے واضح کیا کہ اس اصولی منظوری کا مقصد شیئر ہولڈرز، بالخصوص متعلقہ اداروں اور وابستہ کمپنیوں، کو ضروری کارپوریٹ اور شیئر ہولڈرز کی منظوری حاصل کرنے کا موقع فراہم کرنا ہے تاکہ وہ مناسب سمجھنے کی صورت میں مجوزہ رائٹ ایشو میں سرمایہ کاری کر سکیں۔

 

کمپنی کے مطابق بورڈ آف ڈائریکٹرز قابلِ اطلاق قوانین اور ریگولیٹری تقاضوں کے مطابق مستقبل میں رائٹ ایشو کے اجراء کی حتمی منظوری دے کر اس کا باضابطہ اعلان کر سکتا ہے۔

سروس لانگ مارچ ٹائرز کی بک بلڈنگ 16.7 گنا زائد سبسکرائب، سرمایہ کاروں کی 69.4 ارب روپے کی غیرمعمولی دلچسپی

سروس لانگ مارچ ٹائرز کی بک بلڈنگ 16.7 گنا زائد سبسکرائب، سرمایہ کاروں کی 69.4 ارب روپے کی غیرمعمولی دلچسپی

Admin   11:12 PM

کراچی: سروس لانگ مارچ ٹائرز لمیٹڈ  کے آئی پی او کی بک بلڈنگ میں تاریخی سرمایہ کارانہ دلچسپی دیکھنے میں آئی، جہاں دو روزہ عمل کے دوران یہ پیشکش 16.7 گنا زائد سبسکرائب ہوئی اور سرمایہ کاروں کی جانب سے تقریباً 69.4 ارب روپے (25 کروڑ ڈالر) کی بولیاں موصول ہوئیں۔ یہ پاکستان کی کیپٹل مارکیٹ کیلئے ایک اہم سنگِ میل ہے۔

 

آئی پی او کو پاکستان اسٹاک ایکسچینج کی تاریخ میں کسی بھی آئی پی او کے مقابلے میں سب سے زیادہ بولیاں موصول ہوئیں۔ مارکیٹ ماہرین کے مطابق سرمایہ کاروں کی شرکت کی یہ سطح پاکستان کی آئی پی او مارکیٹ میں ماضی میں کبھی دیکھنے میں نہیں آئی، جو ادارہ جاتی سرمایہ کاروں اور بڑے انفرادی سرمایہ کاروں کے سروس لانگ مارچ ٹائرز کے مضبوط کاروباری بنیادوں، برآمدی صلاحیت اور طویل المدتی ترقی کے امکانات پر بھرپور اعتماد کی عکاسی ہے۔

 

آئی پی او پہلے ہی اپنے زیادہ سے زیادہ فنڈ ریزنگ کا 7.77 ارب روپے کا  ہدف حاصل کر چکا ہے۔ اس ٹرانزیکشن میں زیادہ سے زیادہ کیپ پرائس بھی حاصل کی گئی، جو فلور پرائس کے مقابلے میں 40 فیصد پریمیم کو ظاہر کرتی ہے۔

 

اس غیرمعمولی ردعمل نے اس ٹرانزیکشن کو حالیہ برسوں میں پاکستان کی صنعتی شعبے کی سب سے نمایاں آئی پی اوز میں شامل کر دیا ہے۔ یہ رجحان اس بات کی بھی نشاندہی کرتا ہے کہ سرمایہ کار اب ایسی برآمدی مینوفیکچرنگ کمپنیوں میں زیادہ دلچسپی لے رہے ہیں جو بڑے پیمانے کی پیداواری صلاحیت، جدید ٹیکنالوجی اور علاقائی مارکیٹس تک رسائی رکھتی ہیں۔

 

آئی پی او کی لیڈ منیجر اور بک رنر عارف حبیب لمیٹڈ کے چیف ایگزیکٹو آفیسر شاہد علی حبیب نے کامیاب ٹرانزیکشن پر تبصرہ کرتے ہوئے کہا کہ یہ پاکستان کی کیپٹل مارکیٹ کیلئے ایک تاریخی لمحہ ہے۔

 

انہوں نے کہاکہ سروس لانگ مارچ ٹائرز کا آئی پی او پاکستان اسٹاک ایکسچینج کی تاریخ کی سب سے بڑی ٹرانزیکشن ہے، جس میں تقریباً 70 ارب روپے (250ملین ڈالر) کی سرمایہ کارانہ دلچسپی سامنے آئی، جبکہ 7.77 ارب روپے کی فنڈنگ حاصل کی گئی، جوپی ایس ایکس کی تاریخ میں کسی بھی آئی پی او کے ذریعے حاصل کی جانے والی سب سے بڑی رقم ہے۔

 

 

انہوں نے مزید کہا کہ سروس لانگ مارچ ٹائرز کے آئی پی او کو ملنے والا ردِّعمل اس بات کا واضح ثبوت ہے کہ پاکستان کی کیپٹل مارکیٹ مضبوط بنیادوں، برآمدی صلاحیت، بڑے پیمانے کی پیداواری استعداد اور واضح ترقیاتی حکمتِ عملی رکھنے والی کمپنیوں کو سپورٹ فراہم کرنے کیلئے تیار ہے۔

 

کامیاب بک بلڈنگ کو پاکستان اور چین کے درمیان مینوفیکچرنگ شعبے میں جوائنٹ وینچر کی ایک اہم کامیابی اور برآمدات پر مبنی صنعتی لسٹنگز پر سرمایہ کاروں کے اعتماد کی بحالی کا مضبوط اشارہ ہے۔

لمز انرجی انسٹی ٹیوٹ اور پاور ڈویژن کے اشتراک سے صحافیوں کو پاور سیکٹر کے بنیادی معاملات پر آگہی کے لیے لمز میں ورکشاپ کا انعقاد

لمز انرجی انسٹی ٹیوٹ اور پاور ڈویژن کے اشتراک سے صحافیوں کو پاور سیکٹر کے بنیادی معاملات پر آگہی کے لیے لمز میں ورکشاپ کا انعقاد

Admin   9:12 AM

میڈیا پاور سیکٹر کے بارے میں درست اور متوازن معلومات عوام تک پہنچائے: وفاقی وزیر توانائی (پاور ڈویژن) سردار اویس احمد خان لغاری
 
لاہور ;  لمز انرجی انسٹی ٹیوٹ (LEI) اور وزارتِ توانائی (پاور ڈویژن) کے اشتراک سے لاہور یونیورسٹی آف مینجمنٹ سائنسز (LUMS) میں ''صحافیوں کی پاور سیکٹر کے بنیادی معاملات پر تربیت'' کے عنوان سے ایک روزہ ورکشاپ کا انعقاد کیا گیا۔ ورکشاپ کا مقصد صحافیوں کو پاکستان کے پاور سیکٹر اور اس کے مستقبل کے بارے میں بہتر آگاہی فراہم کرنا تھا۔

وفاقی وزیر توانائی (پاور ڈویژن) سردار اویس احمد خان لغاری نے ورکشاپ سے بذریعہ ویڈیو لنک خطاب میں اس بات پر زور دیا کہ پاور سیکٹر سے متعلق درست، متوازن اور حقائق پر مبنی معلومات عوام تک پہنچانا ذرائع ابلاغ کی ذمہ داری ہے۔ انہوں نے کہا کہ پاور سیکٹر کے بارے میں پائی جانے والی کئی غلط فہمیاں نامکمل اورغلط معلومات کا نتیجہ ہیں۔ ان کا کہنا تھا کہ ادھوری معلومات پر مبنی تجزیے اور خبریں اصل صورتِ حال کو واضح نہیں کرتیں۔ وزیر توانائی نے اس عزم کا اظہار کیا کہ حکومت پاور سیکٹر سے متعلق شفاف اور مستند معلومات مؤثر انداز میں عوام تک پہنچانے کے لیے پُرعزم ہے۔

وزیر توانائی نے اہم اصلاحات اور پالیسی اقدامات پر روشنی ڈالتے ہوئے بتایا کہ حکومت رواں سال کے دوران ایک کروڑ بجلی صارفین کو ایڈوانسڈ میٹرنگ انفراسٹرکچر (AMI) پر منتقل کرنے کا منصوبہ رکھتی ہے۔ انہوں نے یہ بھی اعلان کیا کہ مستقبل میں درآمدی ایندھن پر مبنی نئے آزاد بجلی گھروں (IPPs) کا قیام نہیں کیا جائے گا۔ انہوں نے بتایا کہ زیادہ تر آئی پی پیز کے ساتھ معاہدوں پر دوبارہ مذاکرات مکمل کیے جا چکے ہیں جس کے نتیجے میں آئندہ دس سے پندرہ سال کے دوران بجلی صارفین کے لیے تقریباً 3.5 کھرب روپے کی بچت ممکن ہو سکے گی۔

وفاقی وزیر نے کہا کہ حال ہی میں متعارف کرائی گئی سولر پالیسی سے ملک میں شمسی توانائی کے فروغ کی رفتار متاثر نہیں ہوگی۔ انہوں نے بیٹری انرجی سٹوریج سسٹمز میں سرمایہ کاری کے لیے حکومتی حمایت کا اعادہ کیا اور بتایا کہ صنعتی و تجارتی صارفین کو دن کے اوقات میں مزید سستی بجلی فراہم کرنے کے لیے اقدامات کیے جا رہے ہیں۔

ورکشاپ میں ملک کے نمایاں پرنٹ، الیکٹرانک اور ڈیجیٹل میڈیا اداروں سے تعلق رکھنے والے صحافیوں اور میڈیا سائنسز کے طلبہ نے شرکت کی۔ شرکاء کو پاکستان کے بجلی کے شعبے کا جامع جائزہ پیش کیا گیا جس میں بجلی کی پیداوار، ترسیل، تقسیم، ٹیرف کے نظام، سبسڈیز، گردشی قرضہ، شمسی توانائی اور آزاد مارکیٹ اصلاحات شامل تھیں۔ ایڈیشنل سیکرٹری، وزارت توانائی (پاور ڈویژن) محفوظ بھٹی نے استقبالیہ خطاب میں توانائی کے شعبے کے حوالے سے عوامی شعور اجاگر کرنے میں باخبر صحافت کی اہمیت پر روشنی ڈالی۔
ورکشاپ کے تکنیکی سیشنز میں معروف توانائی ماہرین، چیئرمین بورڈ آف ڈائریکٹرز نیشنل گرڈ کمپنی آف پاکستان (NGC) اور سینئر ایڈوائزر لمز انرجی انسٹی ٹیوٹ، ڈاکٹر فیاض احمد چوہدری؛ چیف کارپوریٹ فنانس اینڈ ریگولیٹری افیئرز، پاور پلاننگ اینڈ مانیٹرنگ کمپنی (PPMC)، نوید قیصر؛ سسٹم پلاننگ کنسلٹنٹ، انڈیپنڈنٹ سسٹم اینڈ مارکیٹ آپریٹر (ISMO)، عمر فاروق اور ایگزیکٹو ڈائریکٹر (مارکیٹ آپریشنز) آئی ایس ایم او عمر ہارون ملک نے شرکت کی۔

ڈاکٹر فیاض احمد چوہدری نے زور دیا کہ بجلی کی ڈیمانڈ سائیڈ مینجمنٹ، توانائی کے مؤثر استعمال سے متعلق اصلاحات پاکستان کے توانائی کے چیلنجز سے نمٹنے اور طویل المدتی پائیداری کو یقینی بنانے کے لیے نہایت اہم ہیں۔ انہوں نے کہا کہ پاور سیکٹر کی پیچیدہ صورتحال کے پیش نظر میڈیا نمائندوں کی استعداد میں اضافہ انتہائی ضروری ہے تاکہ وہ درست، باخبر اور ذمہ دارانہ رپورٹنگ کر سکیں۔ انہوں نے مزید کہا کہ لمز انرجی انسٹی ٹیوٹ شواہد پر مبنی پالیسی سازی کے فروغ اور توانائی کے شعبے کے لیے عملی اور مؤثر حل پیش کرنے میں اہم کردار ادا کر رہا ہے۔ اس موقع پر دیگر مقررین نے پاکستان کے پاور سسٹم کی استعداد کار، ڈسپیچ نظام، ٹیرف ڈیزائن، سبسڈیز، گردشی قرضے، نیٹ میٹرنگ، ڈیمانڈ سائیڈ مینجمنٹ، الیکٹریفیکیشن اور مستقبل کی مارکیٹ اصلاحات پر تفصیلی بریفنگ دی۔

آخر میں پاور ڈویژن کے ایڈوائزر برائے انرجی سید فیضان علی نے ''پاکستان کے پاور سیکٹر کا مستقبل: حکومتی وژن اور سٹریٹجک ترجیحات'' کے عنوان سے پریزنٹیشن دی جس میں توانائی شعبے کی کارکردگی، استعداد اور پائیداری بہتر بنانے کے لیے جاری حکومتی اقدامات کا خاکہ پیش کیا گیا۔ ورکشاپ کے دوران ایک تفصیلی اور انٹرایکٹو سوال و جواب کا سیشن بھی منعقد ہوا جس میں شرکاء نے ماہرین سے براہِ راست سوالات کیے اور پاکستان کے پاور سیکٹر کو درپیش چیلنجز اور مواقع کے بارے میں آگہی حاصل کی۔