کراچی: موبائل ایپلی کیشن کے ذریعے کی کار سروس فراہم کرنے والے خطے کے صف اول کے ادارے کریم (Careem) نے عالمی سطح پر وسعت لانے کے لئے تحقیق و ترقی کے شعبے میں 100 ملین ڈالر کی سرمایہ کاری کا اعلان کیا ہے۔ یہ سرمایہ کاری اگلے پانچ سال کے دوران کی جائے گی جس کی بدولت متحدہ عرب امارات اور پاکستان میں ٹیم میں اضافہ کیا جائے گا اور جرمنی و مصر میں نئے تحقیقی مراکز قائم کئے جائیں گے۔ اس سرمایہ کاری سے خطے میں ٹرانسپورٹیشن سے منسلک ٹیکنالوجی کے انفراسٹرکچر میں بہتری آئے گی اور اس کے باعث کریم اس نئی انڈسٹری میں صف اول پر موجود رہے گی۔
کریم کے شریک بانی اور چیف نیوگیٹر میگنس اولسن نے بتایا، 'گزشتہ چند سالوں کے دوران اس خطے میں ٹیکنالوجی کے استعمال میں اضافہ ہوا ہے اور ٹیکنالوجی کی بنیاد پر نئے کاروبار کے قیام میں برق رفتاری آچکی ہے۔ اس نئے اقسام کے کاروبار میں ٹیکنالوجی استعمال کی جارہی ہے جس سے خطے میں لوگوں کی زندگیوں میں بہتری آرہی ہے۔ اس کے لئے تحقیق و ترقی کے شعبے میں نمایاں اضافہ کرنا ہوگا اسی وجہ سے ہم نے آج اس سرمایہ کاری کا اعلان کیا ہے۔ '
تحقیق و ترقی کی اس نئی حکمت عملی کا مقصد پاکستان میں کمپنی کی انجینئرنگ سطح میں وسعت لانا ہے۔ اس حکمت عملی کے تحت کریم اور ٹیکنالوجی سلوشنز کمپنی وینچر ڈ ائیو(VentureDive)نے اتفاق کیا ہے کہ کریم وینچر ڈ ائیو کے 50 انجینئرز کی ٹیم کو ملائے گی تاکہ کریم کی ٹیکنالوجی انفراسٹرکچر کو قائم کرنے میں مدد فراہم کی جائے ۔وینچر ڈ ائیو کمپنی ٹیکنالوجی مصنوعات اور سروسز تیار کرتی ہے اور اس کے لئے سرمایہ کاری کرتی ہے تاکہ دنیا بھر کے لوگوں کی زندگیوں میں بہتری اور آسانی آئے۔
وینچر ڈ ائیو کے سی ای او عاطف عظیم نے بتایا، 'ہمیں یہ دیکھ کر انتہائی خوشی ہے کہ ہم نے ایسی ٹیکنالوجی ٹیم تیار کی جسے کریم کی جانب سے حاصل کیا جارہا ہے۔ اس مدد سے ہمارے اس مشن کی توثیق ہوتی ہے کہ ایسی پاکستانی مصنوعات تیار کی جائیں جو عالمی سطح پر نمایاں ہوں۔ اور ہمیں خطے میں کاروباری ماحول اور ٹیکنالوجی ادارے کے قیام کے ویژن کے قریب لیکر جائیں، جسے دنیا بھر میں مانا جاتا ہے کہ وہ کسی سے پیچھے نہیں ہے۔'
گزشتہ دہائی میں بین الاقوامی موجودگی کے ہمراہ مشرق وسطیٰ ترقی کرنے والی مارکیٹوں کے امکان کے باعث ایسے اداروں کا اہم مرکز بن گیا ہے۔ بروکنگ انسٹی ٹیوٹ کے مطابق دنیا کے تیزی سے ترقی کرنے والے بڑے شہروں کی فہرست میں حال ہی میں دبئی بھی شامل ہوگیا ہے جہاں خاص کر آبادی میں بھرپور اضافہ ہوا ہے۔ اس کے نتیجے میں مقامی اداروں کو نئی مصنوعات اور خدمات کی بڑھتی ہوئی طلب کو پورا کرنے کے قابل ہونا چاہیئے۔ جرمنی میں تحقیقی مرکز کریم کو بین الاقوامی صلاحیتوں تک رسائی فراہم کرے گا اور اعلیٰ معیار کی خدمات کے ساتھ کریم اپنے نئے کاروباری صارفین کے لئے جلد ترقی اور عالمی منظرنامے میں اپنی وسیع آگہی میں اضافہ لائے گا۔
کریم 2012 میں مک کنسے کے سابق کنسلٹنٹس مدثر شیخا ، مینگوس اولسن اور ڈاکٹر عبداللہ الیاس کی جانب سے قائم کی گئی ۔ کریم نے اپنے قیام کے ساتھ ماہانہ 30 فیصد سے زائد ترقی کی اور مشرق وسطیٰ و شمالی افریقہ کے خطے اور پاکستان کے 27 شہروں تک پھیل گئی ہے۔ کمپنی کے فی الوقت 3 ملین سے زائد رجسٹرڈ صارف ہیں اور 50 ہزار سے زائد کیپٹنزہیں جن کی سرمایہ کار سعودی ٹیلی کام وینچرز، الطیار ٹریول، ابراج گروپ، بیکو کیپٹل، ایمپلس، لومیا کیپٹل اور وامڈا کیپٹل کی جانب سے حمایت کی جاتی ہے۔
کوئی تبصرے نہیں:
Write comments